19-njy martda hormatly Prezidentimiz Serdar Berdimuhamedowyň iň ýokary döwlet wezipesine girişmegine iki ýyl dolýar. Türkmen halkynyň durmuşynda möhüm waka bolan Türkmenistanyň Prezidentiniň wezipä girişmek dabarasy Garaşsyz, hemişelik Bitarap Watanymyzyň taryhynda täze sahypany açyp, ýurdumyzda asyrlaryň dowamynda kemala gelen halk häkimiýetliliginiň özboluşly däpleri bolan demokratik özgertmeleriň üýtgewsiz dowam etdirilýändigini görkezdi.
19-njy martda hormatly Prezidentimiz Serdar Berdimuhamedow bilen Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik boldy.
18-nji martda Türkmenistanyň daşary işler ministri Raşid Meredowyň, Türkmenistanyň Ministrler Kabinetiniň ýanyndaky Ulag we aragatnaşyk agentliginiň baş müdiri Mämmethan Çakyýewiň gatnaşmagynda Ýewropanyň işewür toparlary bilen «Türkmenistan we ÝB: täze ykdysady hyzmatdaşlyga tarap» mowzugynda tegelek stol guraldy.
2024-nji ýylyň 21-22-nji martynda Ahal welaýatynyň Ak bugdaý etrabynyň Nowruz ýaýlasynda geçiriljek «Milli bahar baýramy — Halkara Nowruz güni» mynasybetli baýramçylyk günlerinde 72-lik «Awtokombinat — Türkmeniň Ak öýi» ugry ýola goýulýar. Awtobus gatnawy 2024-nji ýylyň 21-nji martyndan başlap hereket eder. Bu barada agentligiň resmi saýtynda habar berildi.
Täjigistanyň prezidenti Emomali Rahmon Türkmenistanyň prezidenti Serdar Berdimuhamedowy we dostlukly Türkmenistanyň halkyny Halkara Nowruz gününiň gelmegi bilen gutlady.
Özbegistan Respublikasynyň Prezidenti Şawkat Mirziýoýew Nowruz baýramy - bahar oýanmagy, täzeleniş we durmuş baýramçylygy mynasybetli Türkmenistanyň prezidentine we halkyna tüýs ýürekden gutlaglar we iň gowy arzuwlar iberdi.
«Türkmenistan» awiakompaniýasy 2024-nji ýylyň ýaz-tomus meýilnamasyna laýyklykda, Aşgabat bilen Moskwanyň arasyndaky uçuşlaryň ýygylygyny artdyrar. Bu barada Russiýadaky «Türkmenistan» awiakompaniýasynyň baş agentiniň web sahypasynda habar berildi.
Täzelenen tertibe laýyklykda, 2024-nji ýylyň 31-nji martyndan 26-njy oktýabryna çenli Türkmenistanyň we Russiýanyň paýtagtlarynyň arasynda gündelik uçuşlaryň sany bäşden alta çenli artar.
18-nji martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkiýäniň “Rönesans Holding” kompaniýasynyň müdiriýetiniň başlygy Erman Ylyjak bilen duşuşdy. Işjeň ýagdaýda geçen duşuşygyň dowamynda ikitaraplaýyn gatnaşyklaryň häzirki ýagdaýy we hyzmatdaşlygy ösdürmegiň geljekki ugurlary ara alnyp maslahatlaşyldy.
18-nji martda hormatly Prezident Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan möwsümleýin işleriň barşy bilen bagly meselelere garaldy.
Ilki bilen, Ahal welaýatynyň häkimi R.Hojagulyýewe söz berildi. Häkim welaýatda dowam edýän möwsümleýin oba hojalyk işleriniň ýagdaýy barada hasabat berdi.
Dubaýyň Hökümeti özüniň täze nyşany bilen tanyşdyrdy. Bu nyşan emirligiň Dubaýy “geljegiň şäherine” öwürmek maksady bilen, alyp barýan ösüş ýoluny alamatlandyrýar.
Täze nyşan Dubaýyň mirasdüşer şazadasy şeýh Hamdan bin Mohammed bin Raşid Al Maktumyň başlyklyk etmeginde geçen Dubaýyň Ýerine ýetiriji geňeşiniň mejlisinde tanyşdyryldy.