15-nji fewralda Türkmenistanyň Mejlisinde utgaşykly görnüşde Bitaraplygyň dostlary toparyna agza ýurtlaryň parlament ýolbaşçylarynyň «Parahatçylygy we dialogy berkitmekde parlament hyzmatdaşlygynyň orny» atly birinji duşuşygy geçirildi.
«Türkmentehnogurluşyk» ÝGPJ aragatnaşyk enjamlaryny abatlamak, programma üpjünçiligini, «1C» we elektron resminamalary dolandyrmak bilen baglanyşykly hyzmatlaryň, aragatnaşyk ulgamlaryny gurnamak, telekomunikasiýa hyzmatlary bilen baglanyşykly hyzmatlaryň, gurluşyk işleri bilen baglanyşykly hyzmatlaryň giň toplumyny hödürleýär.
«Türkmenistan» awiakompaniýasynyň ýolagçy uçarynyň Kuala-Lumpur şäherine ilkinji uçuşy dabara bilen garşylandy. Ilkinji uçuşy ýerine ýetiren uçaryň ekipaž agzalaryny we 228 ýolagçyny Türkmenistanyň Malaýziýadaky ilçisi Muhammetnyýaz Maşalow we Malaýziýanyň syýahatçylyk, sungat we medeniýet ministri Dato Şri Tiong King Sing garşyladylar.
Ýurdumyzyň Ulag we kommunikasiýalar toplumynda hormatly Prezidentimiz Serdar Berdimuhamedowyň 9-njy fewralda geçiren Ministrler Kabinetiniň giňişleýin mejlisinde öňde goýlan wezipelere hem-de degişli pudaklarda 2023-nji ýylda alnyp barlan işleriň jemlerine bagyşlanan maslahatlar geçirildi. Olarda wise-premýeriň, ministrleriň we beýleki ýolbaşçylaryň hasabatlary diňlenildi. Ýurdumyzyň Ulag we kommunikasiýalar toplumyny ösdürmek boýunça şu ýyl, “Pähim-paýhas ummany Magtymguly Pyragy” ýylynda öňde durýan wezipeler ara alnyp maslahatlaşyldy.
Daşary işler ministriniň orunbasary Ahmet Gurbanowyň ýolbaşçylygyndaky türkmen wekiliýeti Gyrgyzystanyň paýtagty Bişkek şäherinde geçirilen Merkezi Aziýa döwletleriniň we Ýewropa Bileleşiginiň ýörite wekilleriniň bäşinji duşuşygyna gatnaşdy.
Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň nobatdaky mejlisini geçirdi.
Balkan welaýatynyň Jebel şäherçesinde sagatda 100 ýolagça hyzmat etmäge mümkinçilikli täze Halkara howa menziliniň gurluşygynyň şu ýyl üstünlikli tamamlanmagyna garaşylýar. Bu barada «Türkmenistan» gazetinde habar berildi.
“Deňiz söwda floty” ýapyk görnüşli paýdarlar jemgyýeti (ÝGPJ) Türkmenbaşy Halkara Deňiz portuna girýän daşary ýurt gämilerini dizel ýangyjy bilen bunkerleme hyzmatyny amala aşyrýar.
«Russiýanyň demir ýollary» açyk görnüşli paýdarlar jemgyýeti awtoulaglary daşamak, barmaly nokatlaryna ýetirmek meselesinde kömek sorap ýüz tutan awtoulag konsernleriniň haýyşlaryny kanagatlandyrmak üçin demir ýol hyzmatlaryny ulanmagy teklip etdi. Kompaniýanyň bu baradaky habaryny «РБК» köpçülige ýetirdi.
2024-nji ýylyň 8 ,9-njy fewralynda Türkmenistanyň parlament wekiliýeti BMG-niň Nýu-Ýorkdaky ştab-kwartirasynda geçirilen Parlamentara Bileleşiginiň ýyllyk diňlenişigine gatnaşdy. Diňlenişik “Düşünişmezliklerden saplanmak: Parahatçylykly geljegiň ugurlary” ady bilen geçirildi. Bu barada Türkmenistanyň DIM-i habar berýär.