Düýn, Fransiýa Respublikasynyň “Arterail” kompaniýasynyň esaslandyryjysy we baştutany Žerom Garsýanyň ýolbaşçylygynda bu kompaniýanyň hünärmenleri bilen “Türkmendemirýollary” agentliginiň hünärmenleriniň arasynda wideoaragatnaşyk arkaly duşuşyk bolup geçdi.
21-nji fewralda paýtagtymyzyň Halkara howa menzilinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Birleşen Arap Emirlikleriniň wise-prezidenti, Premýer-ministriniň orunbasary, Prezidentiň iş dolandyryş ministri Şeýh Mansur bin Zaýed Al Nahaýýan bilen duşuşygy boldy. Ýurdumyza sapar bilen gelen belent mertebeli myhman türkmen myhmansöýerliginiň iň gowy däplerine laýyklykda mähirli garşylanyldy.
21-nji fewralda hormatly Prezidentimiz Serdar Berdimuhamedow ýurdumyza gelen Birleşen Arap Emirlikleriniň wise-prezidenti, Premýer-ministriniň orunbasary, Prezidentiň iş dolandyryş ministri Şeýh Mansur bin Zaýed Al Nahaýýan bilen duşuşdy.
20-nji fewralda “Türkmendeňizderýaýollary” agentliginiň başlygy Ženewada geçirilýän Birleşen Milletler Guramasynyň Ýewropa ykdysady komissiýasynyň Içerki ulag komitetiniň her ýylky 86-njy mejlisine gatnaşdy. ABŞ-nyň, Gollandiýanyň, Nigeriýanyň we Saud Arabystanynyň degişli edaralarynyň ýolbaşçylary bilen bir hatarda, Agentligiň başlygy “2050-nji ýyla çenli içerki ulaglaryň dekarbonizasiýa geçmegine milli garaýyşlar we syýasy nukdaýnazarlar” atly mejlisinde, halkara “Ýaşyl port” talaplaryna laýyklykda gurlan Türkmenbaşy Halkara deňiz portuny tanyşdyryp çykyş etdi. Mejlisiň çäklerinde UNFCCC, IRF we UNCTAD ýaly halkara guramalaryň wekilleri hem çykyş etdiler.
Türkmenistanyň Döwlet gümrük gullugy bilen BMG-niň Türkmenistandaky Ösüş maksatnamasynyň işgärleriniň arasynda degişli şertnama gol çekildi. Bu resminama bilen girizilen üýtgetmelere laýyklykda onuň ýerine ýetirilmegine Türkmenistanyň Adalat ministrligi, Türkmenistanyň Statistika baradaky döwlet komiteti, şeýle hem Türkmenistanyň Daşky gurşawy goramak ministrligi hem goşulýar.
Awtomobil senagatynda möhüm waka garaşylýar. «Audi» kompaniýasy iň uly krossoweri bolan «Audi Q9» awtoulagyny hödürlemäge taýýarlanýar. Ozal bu ulagyň synag prototipleriniň suratlary peýda bolupdy. Ine, şolaryň esasynda hem, «kolesa.ru» täze önümiň şekillerini döretdi.
21-nji fewralda Türkmenistanyň Mejlisiniň Başlygy Dünýägözel Gulmanowanyň Ýapon-Türkmen parlamentara dostluk toparynyň Baş sekretary, Ýaponiýanyň Parlamentiniň Geňeşdarlar Palatasynyň agzasy Şimpeý Matsuşitanyň ýolbaşçylygyndaky deputatlar topary bilen duşuşygy geçirildi.
Bu ýyl Magtymguly Pyragynyň doglan gününiň 300 ýyllygy Özbegistanda giňden belleniler. 19-njy fewralda Prezident Şawkat Mirziýoýew degişli karara gol çekdi. Bu ýubileý ÝUNESKO-nyň howandarlygynda dünýä derejesinde hem bellenilýär.
20-nji fewralda hormatly Prezidentimiz Serdar Berdimuhamedow Hindistan Respublikasynyň Türkmenistanda täze bellenen Adatdan daşary we Doly ygtyýarly ilçisi hanym Madhumita Hazarika Bhagaty kabul etdi.