17-nji awgustda Türkmenistanyň Katar Döwletindäki täze bellenen Adatdan daşary we Doly ygtyýarly ilçisi Myrat Seýitmämmedow Katar Döwletiniň Emiri Tamim bin Hamad Al Tani tarapyndan kabul edildi. Duşuşyk Katar Emiriniň köşgünde geçirildi. Bu barada Türkmenistanyň daşary syýasat edarasy habar berýär.
Dowamyny oka
20-nji awgustda hormatly Prezidentimiz Serdar Berdimuhamedow Budapeştde geçirilýän Ýeňil atletika boýunça dünýä çempionaty, şeýle hem ýurduň Milli baýramy — Keramatly Stefanyň güni mynasybetli guralýan dabaralara gatnaşmak üçin Wengriýa iş saparyny amala aşyrdy. Bu barada Türkmenistanyň Döwlet habaralar agentligi habar berýär. Hormatly Prezidentimizi saparynyň dowamynda Wengriýanyň Premýer-ministri Wiktor Orban mähirli garşylady. Türkmenistanyň we Wengriýanyň Döwlet baýdaklarynyň öňünde däp bolan bilelikde surata düşmek dabarasyndan soň, hormatly Prezidentimiz Serdar Berdimuhamedowyň hem-de Premýer-ministr Wiktor Orbanyň duşuşygy boldy. Bu duşuşyk giňişleýin düzümde, iki ýurduň wekiliýetleriniň agzalarynyň gatnaşmagynda geçirildi.
Dowamyny oka
Şu gün irden Wengriýanyň Premýer-ministri Wiktor Orbanyň çakylygy boýunça Prezident Serdar Berdimuhamedow iş sapary bilen Budapeşte ugrady. Bu barada Türkmenistanyň Halkara habarlar merkezi habar berýär. Prezident Serdar Berdimuhamedowy Aşgabadyň Halkara howa menzilinden resmi adamlar ugratdylar.
Dowamyny oka
BAE-niň Abu Dabi welosiped kluby türkmen türgenleri bilen bilelikde okuw-türgenleşik ýygynyny geçirmek üçin Aşgabat şäherine geldi. Ilkinji türgenleşikler Olimpiýa şäherçesinde we Köpetdagyň eteginde ýerleşýän Gökderede geçirilýär diýip, Türkmenistanyň Halkara habarlar merkezi habar berdi. Ilkinji güni Köpetdagyň eteginde geçen türgenleşikde welosipedçiler jemi 107 kilometr ýol geçdiler. Bu görkeziji daşary ýurtly türgenleri geň galdyrdy, sebäbi bu uzaklyk türgenler üçin düýbünden täze aralyk diýip, çeşme belleýär.
Dowamyny oka
«Deňiz söwda floty» ýapyk görnüşli paýdarlar jemgyýeti Türkmenbaşynyň halkara deňiz portuna gelýän ýa-da porta girmek zerurlygy bolmazdan 78-nji bölekdäki ýol meýdançasynda ýerleşýän daşary ýurt gämileri üçin dizel ýangyjyny guýmak, ýagny bunkerlemek hyzmatlaryny hödürleýär. Bu barada ýapyk görnüşli paýdarlar jemgyýetiniň resmi web sahypasynda habar berilýär. 78-nji bölegiň ýol meýdançalarynda bunker hyzmatynyň ornaşdyrylmagy syýahatyň wagtyny ep-esli tygşytlar we gämilere bellenen nokada tarap hereketi dowam etdirmäge mümkinçilik berer.
Dowamyny oka
17-nji awgustda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow paýtagtymyz boýunça iş saparyny amala aşyryp, Aşgabadyň günorta künjeginde ýerleşýän Magtymguly Pyragy medeni-seýilgäh toplumynyň çäklerinde alnyp barylýan işler hem-de paýtagtymyzy ösdürmegiň möhüm ugurlaryna degişli şekil taslamalary bilen tanyşdy. Şunda Gündogaryň beýik akyldary Magtymguly Pyragynyň 2024-nji ýylda belleniljek doglan gününiň 300 ýyllyk dabarasyna taýýarlyk çärelerine möhüm ähmiýet berildi. Bu barada Türkmenistanyň Döwlet habarlar agentligi habar berýär. “Aziýanyň merjeni” diýen ada mynasyp bolan Aşgabat dünýäniň owadan we ýaşaýyş üçin amatly şertleri özünde jemleýän şäherleriniň hatarynda eýeleýän ornuny barha pugtalandyrýar. Ýurdumyzyň baş şäheriniň täsin binagärlik çözgütlerine eýe bolan desgalary bilen Ginnesiň Bütindünýä rekordlar kitabyna birnäçe gezek girizilmegi paýtagtymyzyň binalarynyň özboluşly keşbiniň we ýokary hiliniň ykrarnamasydyr.
Dowamyny oka
17-nji awgustda Türkmenistanyň Daşary işler ministrliginiň Halkara gatnaşyklary institutynda Türkmenistanyň Birleşen Milletler Guramasynyň Bilim, ylym we medeniýet boýunça guramasyna (ÝUNESKO) goşulmagynyň 30 ýyllygyna bagyşlanan dabaraly maslahat geçirildi. Bu barada Türkmenistanyň Halkara habarlar merkezi habar berýär. Baýramçylyk dabarasy Türkmenistanyň Birleşen Milletler Guramasynyň Bilim, ylym we medeniýet meseleleri boýunça guramasyna agza bolmagynyň 30 ýyllygyna bagyşlanan sergi bilen tanyşmakdan başlandy. Soňra “Türkmenistan - ÝUNESKO: abadançylygyň hatyrasyna hyzmatdaşlyk” atly dabaraly maslahat geçirildi. Maslahata Türkmenistanyň Mejlisiniň degişli komitetleriniň wekilleri, Türkmenistanyň ministrlikleriniň we pudak edaralarynyň wekilleri, diplomatik gullugynyň ýolbaşçylary we işgärleri, Türkmenistanda işleýän diplomatik wekilhanalaryň, halkara guramalarynyň wekilhanalarynyň ýolbaşçylary we wekilleri, şeýle hem ýurdumyzyň jemgyýetçilik guramalarynyň we habar beriş serişdeleriniň wekilleri gatnaşdylar.
Dowamyny oka
Türkmenistanyň ilçisi Muhammetnyýaz Maşalow iki ýurduň syýahatçylyk pudagyndaky hyzmatdaşlygyny ösdürmek üçin Türkmenistan bilen Kambojanyň arasynda göni howa gatnawynyň ýola goýulmagy meýilleşdirilýändigini habar berdi. Bu barada ilçiniň 14-nji awgustda Pnompen şäherinde Kambojanyň syýahatçylyk ministri Tong Khon bilen geçiren duşuşygyna salgylanyp, «Orient» habar berýär. Maşalow duşuşygyň dowamynda Türkmenistanyň Kamboja Patyşalygy bilen göni howa gatnawyny ýola goýan Merkezi Aziýadaky ilkinji döwlet boljakdygyny aýratyn belledi. «Özara syýahatçylaryň alyş-çalşyny ösdürmek üçin ýurtlarymyzyň arasyndaky syýahatçylyk pudagyndaky hyzmatdaşlygyny çuňlaşdyrmak isleýäris» diýip, Maşalow nygtady.
Dowamyny oka
16-njy awgustda Aşgabatda Kuraş boýunça dünýä çempionatyny geçirmek baradaky şertnama gol çekmek we Halkara Kuraş Assosiasiýasynyň baýdagyny Türkmenistanyň bedenterbiýe we sport baradaky döwlet komitetine gowşurmak dabaralary geçirildi. Bu barada Türkmenistanyň Halkara habarlar merkezi habar berýär. Bu çärä Türkmenistanyň bedenterbiýe we sport baradaky döwlet komitetiniň başlygy, Halkara Kuraş Assosiasiýasynyň başlygy Haýdar A. Farman we onuň orunbasary Ziýowiddin Hojiniýazow, dürli sport federasiýalarynyň, bölüm guramalarynyň wekilleri, talyplar we köpçülikleýin habar beriş serişdeleriniň wekilleri gatnaşdylar.
Dowamyny oka
15-nji awgustda Türkmenistanyň Prezidentiniň gol çeken degişli Kararlary bilen, Muhammetnur Muhammetberdiýewiç Öwezow, başga işe geçmegi sebäpli, Türkmenistanyň Gazagystan Respublikasyndaky (Aktau şäheri) konsuly wezipesinden boşadylyp, ol Türkmenistanyň Türkiýe Respublikasyndaky (Stambul şäheri) Baş konsuly wezipesine bellenildi.
Dowamyny oka
