Ulaglaryň agramy soňky ýedi ýylda ýarym tonna agraldy
Soňky ýedi ýylda täze awtoulagyň ortaça agramy ep-esli ýokarlandy. 1553 kilogram bolanlygyndan 1947 kilograma ýetdi. Iňlis neşiri bolan «Autocar»-yň bilermenleri öz geçiren synaglarynyň netijelerini seljerenden soň bu netijä geldiler diýip, «auto.ru» ýazýar.
Hünärmenler bu ösüşi iki sany esasy aýratynlyk bilen baglanyşdyrýarlar.
Olaryň ilkinjisi krossowerleriň we ýol ulaglarynyň meşhurlygynyň artmagydyr. 2016-njy ýylda “Autocar” tarapyndan synag edilen awtoulaglaryň arasynda krossowerleriň paýy 16 göterimdi, 2023-nji ýylda bolsa bu paý 24 göterime ýetdi. Şol bir wagtyň özünde awtoulag öndürijileri ortaça agramyna gönüden-göni täsir edýän ýeňil ykjam modelleriň önümçiligini kem-kemden azaldar.
Elektrikli ulaglarynyň meşhurlygy. Elektrik energiýasy, batareýalary goşmak bilen elektrikli ulaglar benzinli we dizel bilen işleýän kowumdaşlaryndan agyrlaşdy. Bu bolsa elektrikli ulaglaryň ýangyç bilen işleýänlerden agyr bolmagyna hem getirdi.
Awtoulagyň analitikleriniň pikiriçe, ulagyň agramynyň ýokarlanmagy geljekde hem dowam eder.
Neşir tarapyndan 2024-nji ýylyň birinji ýarymynda synag edilen täze awtoulaglaryň ortaça agramy eýýäm 2087 kilograma ýetdi.