Aşgabatda türkmen-eýran moda we dokma önümleri sergisi açylar
Türkmenistanyň Çeperçilik akademiýasynyň Sergiler zalynda 27-nji awgustda sagat 16:30-da "Türkmen-Eýran ýöriteleşdirilen moda we lybas sergisi" açylar. Bu çäre Eýran Yslam Respublikasynyň Türkmenistandaky ilçihanasynyň Medeniýet merkezi we Türkmenistanyň Dokma senagaty ministrligi bilen bilelikde guralyp geçiriler.
Sergide iki ýurduň dokma kärhanalarynyň we meşhur brendleriniň ýokary hilli önümleri görkeziler. Bu ýerde eýranly sungat ussadynyň gatnaşmagynda geçiriljek hünär ussatlyk sapagy, çärede aýratyn gyzyklanma döreder.
Sergi 29-njy awgusta çenli üç gün dowam eder. Bu wagt aralygynda myhmanlar Türkmenistanyň we Eýranyň moda we dokma pudaklaryndaky soňky gazananlary bilen tanyşmaga aýratyn mümkinçilik alarlar.
