23-nji awgustda Türkmenistanyň DIM-nde daşary işler ministri Raşid Meredow bilen Pakistanyň Milli logistika korporasiýasynyň ýolbaşçysy Farruk Şahzad Raonyň arasynda duşuşyk geçirildi.
Türkmenistanyň Çeperçilik akademiýasynyň Sergiler zalynda 27-nji awgustda sagat 16:30-da "Türkmen-Eýran ýöriteleşdirilen moda we lybas sergisi" açylar.
"Türkmenawtoulaglary" agentliginiň düzümine girýän "Lebapawtoulag" önümçilik birleşigi Lebap welaýatynda ýolagçy awtobuslaryny dolandyrmak üçin "D" derejeli sürüjileri işe alýandygy barada yglan etdi.
BMW Ýewropanyň elektrikli ulag bazarynda esasy bäsdeşi bolan «Tesladan» öňe geçdi. «JATO Dynamics» seljeriş kompaniýasy tarapyndan berilýän habara görä, iýul aýynda Bawariýanyň awtoulag öndürijisi 14 müň 869 sany elektrik awtoulagyny, onuň amerikaly bäsdeşi bolsa 14 müň 561 awtoulag satdy diýip, «Daily.afisha.ru» habar berýär.
22-nji awgustda Aşgabatda Türkmenistanyň dürli künjeginden çagalardyr ene-atalary bir ýere jemlän «KidsExpo: ähli zat çagalar üçin» atly ilkinji halkara sergi-ýarmarkasy tamamlandy.
«Türkmendeňizderýaýollary» agentligi bilen Russiýa Federasiýasynyň general-admiral F.M.Apraksin adyndaky Hazar deňiz we derýa ulaglary institutynyň wekilleriniň arasynda wideoaragatnaşyk arkaly duşuşyk geçirildi.
Türkmenistan saglygy goraýyş ulgamynda uly üstünlikleri gazandy, hususan-da, aýal-gyzlaryň we çagalaryň saglygyny goramak babatda dünýä lukmançylygynda toplanan tejribäni üstünlikli durmuşa geçirdi.
Türkmenistanyň wekilleri Merkezi Aziýanyň beýleki ýurtlarynyň hünärmenleri bilen bilelikde ÝUNESKO-nyň maddy däl medeni miras konwensiýasynyň sanawlaryna dalaşgärleri taýýarlamak üçin dört günlük okuwlara gatnaşýarlar.
Ýagşygeldi Kakaýew adyndaky Halkara nebit we gaz uniwersitetiniň talyplary uniwersitetiň mugallymynyň ýolbaşçylygynda Hytaýyň Milli nebitgaz korporasiýasynyň we ugurdaş ýokary okuw mekdepleriniň tejribesini öwrenmek maksady bilen, Pekin şäherinde Hytaýyň nebit uniwersitetinde okuw-önümçilik tejribeligini geçýärler.