Russiýa Türkmenistanyň ulag taslamalaryna gatnaşmagy dowam etdirýär
Demirgazyk - Günorta halkara ulag geçelgesini ösdürmegiň çäklerinde Russiýa geljekde hem Türkmenistanyň we beýleki döwletleriň ulag taslamalaryna gatnaşmagy dowam etdirer. Bu barada Russiýanyň Hökümetiniň wise-premýeri Alekseý Owerçuk beýleki yklymüsti ulag geçelgelerinde bar bolan meseleleriň çäginde degişli ulag geçelgesiniň barha artýan ähmiýetini göz öňünde tutup belläp geçdi.
— Biz awtomobil we demir ýollaryny ösdürmegi hem-de Mongoloýadaky, Gazagystandaky, Gyrgyzystandaky, Täjigistandaky, Türkmenistandaky, Azerbaýjandaky, Ermenistandaky we Eýrandaky degişli taslamalara gatnaşmagy meýilleşdirýäris. Biz Owganüsti demir ýolunyň gurluşygyna gyzyklanma bildirýäris, Aziýa we Afrika ýurtlary bilen deňiz aragatnaşygyny hem ösdürýäris – diýip, Russiýanyň Hökümetiniň agzasy aýtdy.
Ol 2022-nji ýylda Russiýanyň Türkmenistan, Gazagystan we Eýran bilen bilelikde Hindi ummanyna ýykýan yzygiderli demir ýol gatnawyny ýola goýandygyny belledi. Owerçugyň belleýşi ýaly, iri ulag taslamasynyň toplumlaýyn durmuşa geçirilmegi üçin Eýrandaky demir ýol düzümleriniň ýeterlik bolmadyk böleklerini gurmaga girişmek üçin degişli taýýarlyk işleri alnyp barylýar.
Çeşme: Türkmenistanyň Ministrler Kabinetiniň ýanyndaky Ulag we kommunikasiýalar agentligi
