Mazda premium segmente girmek üçin logosyny täzelemegi meýilleşdirýär
Awtoulag öndüriji Mazda, Ýaponiýanyň patent edarasynda özüniň nyşanynyň täzelenen görnüşini hasaba aldyrdy diýip, auto.ru habar berýär. Owalyň içindäki stilizirlenilen guş görnüşindäki häsiýetli nyşan has minimalistik görnüşe eýe boldy. Neşiriň pikiriçe, bu kompaniýanyň bazaryň premium segmentinde öz pozisiýalaryny berkitmek maksady bilen rebrending taýýarlyklaryny görýändigini görkezýär.
Täze nyşan, öňki göwrümli elementleri bolan wersiýadan tapawutlylykda, tekiz dizaýna eýe. Merkezi elementiň konturlary has ýumşak boldy, elementiň özi bolsa, tersine, has anyk burçlara eýe boldy.
Mazda özüniň pozisionirlemesini premium klasa tarap süýşürmek niýetini birnäçe gezek beýan etdi, bu bolsa täze modelleriň çykarylmagy bilen tassyklanýar. Mysal üçin, markalaryň soňky krossowerleri has klassiki düzümi, täze dizaýn çemeleşmesi we has baý salon bezegi bilen tapawutlanýar.
Ýakynda beýleki iri awtoulag öndüriji Lamborghini hem täzelenen logosyny görkezdi.
